Óska eftir hvolpi

Við fjölskyldan leitum að hvolpi. Fyrir ári síðan kvöddum við gömlu tíkina okkar sem var þá 13 ára og nú langar okkur að fá aftur heimilishund. Við búum í sveit og eigum tvo hreinræktaða bc rakka sem vilja lítið vera í sófakúri enda meira fyrir að vera úti og sinna vinnu. Á heimilinu eru einnig kettir sem ganga inn og út að vild, þó þeir kjósi helst að hundarnir séu inni þegar þeir fara út.

Við erum helst að leita að bc blöndu, td bc/íslenskur... Skoðum þó annað. Hvolpurinn þarf að vera karlkyns þar sem hinir hundarnir tveir eru ógeldir og við hyggjum ekki á neitt hvolpastand.

Við erum mjög skotin í mikið hvítum hundum, gamla tíkin okkar er á meðfylgjandi mynd og hún var augljóslega mikið hvít.
Við erum að leita að hvolpi helst beint úr goti, það er 3-4 mánaða.

Eins og áður sagði búum við í sveit svo frelsið er mikið. Hér fá hundar næga hreyfingu og ýmis verkefni. Við erum með kindur, nokkrar geitur og fjóra hesta. Börnin eru þrjú, það elsta 21 árs og flutt af heiman, svo 12 og 4ra ára og þekkja ekki annað en að eiga hunda. Hundurinn kæmi til með að fylgja mér og vera minn félagi til dæmis í smalamennsku þar sem hinir tveir fylgja húsbóndanum.

Við lofum miklu knúsi, ást og frelsi ásamt könnunarferðum með þessum 4ra ára 😊 Hinir tveir hundarnir, hinn 6 ára rólegu Skotti og hinn bráðum 1 árs ofvirki Júdas lofa einnig góðum móttökum enda eru þeir vanir að umgangast marga hunda og hafa aldrei sýnt af sér árásargirni eða önnur leiðindi.

Ef þú ert með hvolp sem fellur að þessari lýsingu máttu endilega senda mér skilaboð.

Með fyrirfram þökkum ❤️